睇見有留言話方案應該「開天殺價，落地還錢」，又即管講下講價既藝術。根據我觀察我老母多年殺價技巧（係女人先做倒，男人真係比較難），不離兩大原則：估價準，底價硬
好多人以為講價最好一開始講到天價，跟住再慢慢殺去理想價，但現實係好多人一聽你講價就知你係ＯＮ９或者搞事，睬你都SIDE氣。即係你同個菜檔講，8蚊菜心8毫子賣比我得唔得，人地會唔會咁得閒慢慢同你講價，定叫你快D走咪撚阻住哂？
另一樣好重要既係底價要硬。話知你100蚊估50蚊，到人地還98蚊你就一口應承有撚用咩，所以殺價勇猛果D人，不如話比大家聽你個底價去到邊個位啦，唔係有撚用咩。而家個個走去話真普聯開個價低，其實面對中共呢個賣家，究竟有埋公民提名叫唔叫開價低呢？有D網友都心水清啦，反而有無決心守倒呢條線先係重點。
就算A開40蚊B開400蚊，但最後大家都比人殺到40蚊果陣企得硬，開得高與低，又有乜所謂？
Search